அலைகடலாய் எழுந்து வருகிறோம் தெய்வமே
உம் சந்நிதியில் கூடி வருகிறோம்
ஆனந்தமாய் இணைந்து வருகிறோம் இயேசுவே
உம் அருள் மழையில் நனைந்து மகிழவே - 2
எழுகிறோம் வருகிறோம் உம் பாதம் சரணாகிறோம் - 2

1. உண்மைக்காகவும் உயர் நீதிக்காகவும்
குரல் கொடுக்கும் குழுமமாகவே
தலைவன் இயேசுவின் இலட்சியக் கனவை
செயல்படுத்தும் சீடராகவே - 2
உழைப்பவரின் வியர்வைத் துளி உழுபவரின் கண்ணீர்த் துளி
மனிதம் தேடும் விடியலாகட்டும் - 2
மனிதத்திலே இதயம் மலரட்டும் - 2 எழுகிறோம்

2. ஏழை எளியர்க்குச் செய்த போதெல்லாம்
எனக்குச் செய்தீர் என்று சொன்னீரே
தன்னலம் மறந்து தடைகளைக் கடந்து
இணைய வேண்டும் இயக்கமாகவே - 2
துணிந்து நின்று குரல் கொடுப்போம்
தோழமையில் தோள் கொடுப்போம்
இறையாட்சி மண்ணில் மலரவே - 2
இறை விருப்பம் நிறைவேறவே - 2 எழுகிறோம்

---