அன்பின் தேவன் அழைக்கின்றார் ஒன்று கூடுவோம்
ஆனந்தமாய் இயேசுபாதம் நாடிச் செல்லுவோம் - 2
உறவின் வழியில் இறைவன் ஆட்சி மலரச் செய்யவே - 2
மகிழ்வின் பலியில் அருளை வேண்டுவோம் - 2

1. மதங்களில் புதைந்தோம் மனிதத்தை மறந்தோம்
வேற்றுமை வளர்த்தோம் இறைமையைத் தொலைத்தோம் - 2
உள்ளங்கள் தெளிந்து உமதில்லம் வருகின்றோம் - 2
உமதன்பு பலியிலே எமை ஏற்றிடுவாயே
புது வாழ்வு மலரவே எமை மாற்றிடுவாயே
இறைவாழ்வு தரும் பலியினில் இணைவோம்

2. பகைமையை வளர்த்தோம் பாசத்தைத் தொலைத்தோம்
பாரினில் மாந்தர் உறவினைச் சிதைத்தோம் - 2
புதுயுகம் படைக்கவே பலியினில் இணைகின்றோம் - 2
உம் புனித பலியிலே எமை இணைத்திடுவாயே
அருள் வாழ்வில் மகிழவே எமை மாற்றிடுவாயே
சிலுவைப் பலியில் சிறந்திட விரைவோம்

---