இறைமக்கள் யாவரும் கூடிடுவோம்
இறைவனைப் புகழ்ந்து பாடிடுவோம்
இறைபணி தனைச் செய்ய அவர் அழைத்தார்
அவர் புகழ் பாடிடுவோம் - 2

1. அன்பாலே இறைவன் தன்னைக் கொடுத்தார்
அருளாலே நம்மை அரவணைத்தார் - 2
நாம் அவர் மந்தையின் ஆடுகளாய்
பலியாக நம்மைத் தெரிந்தெடுத்தார்
அவர் அழைத்தார் அன்பில் பணித்தார் இறையரசு பெருகிடவே

2. குருவோடு சேர்ந்து நாம் ஆலயத்தில்
குடும்பமாய்ப் பலிதனை செலுத்திடுவோம் - 2
இறைமகன் உடலை நாம் உண்டிடுவோம்
இறைமக்கள் என நாம் வாழ்ந்திடுவோம்
அவர் அன்பின் குரல் நாம் கேட்டிடுவோம்
இறையரசைப் பரப்பிடுவோம்

---