இறைவனில் இணைந்திட வளமுடன் வாழ்ந்திட
வாருங்கள் வாருங்கள்
திருப்பலியினில் கலந்திட பரமனில் நிறைந்திட
கூடுங்கள் கூடுங்கள் - என்றும் - 2

1. அன்பின் சாட்சியாய் நாளும் வாழ்ந்து
அவரின் உறவிலே மலர்ந்திடுவோம் - 2
நம்மைப் படைத்த இறைவன் புகழ்பாடி மகிழ்ந்திட
பாரில் அவர் நாமம் போற்றிப் புகழ்ந்திட
அனைவரும் இணைவோம் ஆனந்தமுடனே - என்றும்

2. இறைவன் ஒளியிலே நாமும் இணைந்து
தியாகச் சுடர்களாய் ஒளிர்ந்திடுவோம் - 2
இறைவார்த்தைப் பொழிவிலே நெஞ்சம் நிறைந்திட
கருணை மழையிலே வாழ்வும் தழைத்திட
அனைவரும் இணைவோம் ஆனந்தமுடனே - என்றும்

---