வண்ணத்தமிழ்ப் பாட்டுப்பாடி அழகு மலர் தூவிதூவி
இறைவன் பாதம் பணிந்து வணங்கி புகழ்ந்தேத்துவோம் - 2
இறையருளில் வாழ்ந்து மனித மாண்பில் உயர்ந்து - 2
இறையரசை உலகில் பரப்பக் கூடிடுவோம் மகிழ்ந்திடுவோம்

1. அன்பின் உருவமே அருளாகும் செல்வமே
அழகின் தென்றலே சங்கீதமே - 2
மரியின் இயேசுவே என் வாழ்வின் ஜீவனே - 2
நீதி தேவனே உண்மை வாழ்வின் சிகரமே
உம்மைப்போல எங்கள் வாழ்வை உயர்த்திடுவாயே - 2
பலியாகிப் பணியாகி உம்மில் வாழ்ந்திடுவோம் - 2
உறவாகி ஒளியாகி வாழ்வைக் காட்டிடுவோம் - 2
நிறைவாகி நினதாகி உம்மில் சரணடைவோம் - 2
ஒன்றாய் கலந்திடுவோம் உம்மில் கரைந்திடுவோம்

2. கருணைக் கடவுளே இரக்கத்தின் அமுதமே
இனிய நாதனே உயிர் நாதமே - 2
அம்மையே அப்பனே ஒப்பில்லா மகுடமே - 2
முதலும் முடிவுமே எம்மை இயக்கும் தெய்வமே
கரங்கள் நீட்டி அரவணைத்துக் காத்தருள்வாயே - 2 பலியாகி

---