வருவாய் வருவாய் இறைகுலமே
நிறைவாய் மகிழ்வாய் மறைகுலமே
இறை அருள் தேடி நதியென ஓடி - 2
இறைவனில் இணையும் நேரமிது இதயங்கள் சுடர்விடும் நேரமிது

1. இருகரம் விரித்தே அழைக்கின்றார்
திருப்பலி விரைவோம் வாருங்கள்
தேற்றிடும் தேவன் அழைக்கின்றார்
தாகமாய் இருப்போரே வாருங்கள்
இறைவனின் இல்லத்தில் புகலிடம் தேடி
எழுகின்ற சுரங்களில் இன்னிசை பாடி - 2

2. நிறைவாழ்வு தேடிடும் மாந்தர்களே
நிலையான தெய்வம் இயேசுதானே
சுமைகளைச் சுமந்து வாடுவோரே
சுகம் தரும் வல்லவர் இயேசுதானே
இயேசுவின் இல்லத்தில் ஒன்றெனக் கூடி
புதுவாழ்வு பெறவே திருப்பலி நாடி - 2

---