எத்துணை இனியவர் இறைவன் என்று
ரசித்து ருசித்து பாருங்கள்
அவரிடம் அடைக்கலம் புகுந்தவர் மகிழ்வார்
அடைகின்ற பேறுகள் கணக்கிட அறியார்

1. காலமெல்லாம் நான் போற்றல் செய்வேன்
நேரமெல்லாம் புகழ் நாவில் ஒலிப்பேன்
எல்லார் முன்பும் அவர் பெருமை சொல்வேன் - 2
எளியோரும் இதைக் கேட்டு உளம் பூரிப்பார் - 2

2. கண்ணோக்கிப் பார்த்தோர் உள்ளம் பூத்தார்
வெட்கக்கேடே இல்லா வாழ்வு அடைந்தார்
ஏழை கூவும் சத்தம் செவியில் ஏற்றார் - 2
இடர் நீக்கி பாவம் போக்கிக் கடைத்தேற்றினார் - 2

---