என் விளக்கு சுடர் விட்டு எரியச் செய்கின்றீர்
என் வாழ்வை அகல்விளக்காய் இறைவா மாற்றினீர் - 2

1. புனிதம் மிகுந்த இறைவன் பெயரை நாளும் புகழ்ந்து ஏத்துவேன்
புகழ்ச்சிப் பலியைப் பாக்களாலே நானும் இசைத்துப் பாடுவேன் 2
போற்றி இறைவா போற்றி என்று
நாளும் பொழுதும் வாழ்த்துவேன் - 2
அரணும் மீட்பும் எனக்கு நீரே சரணமே உன் திருப்பாதமே - 2

2. எனக்கு உமது துணையிருக்க எதிரிப் படையைத் தாக்குவேன்
எனக்கு உமது வலுவிருக்க எதிரிக் கோட்டையைத் தாண்டிடுவேன்
எனக்குக் கேடயம் நீரே இருக்க
எதிரிக் கணையைத் தடுத்திடுவேன் - 2
தாங்கும் வலிமை தாண்டும் வலிமை
தடுக்கும் வலிமை நீர் தந்த வளமை - 2

---