யாக்கோபின் இறைவனைப் புகழந்திடுங்கள்
நம் மீட்பின் கருவி அவர்
யாழினால் அவரது புகழ் பாடுங்கள் - எங்கும்
அவரின் பெயர் விளங்க - 2

1. நீதியும் நேர்மையும் என்றும் அவரது விருப்பமாமே
வானமும் பூமியும் எங்கும் அவர் அருளால் நிறைந்துள்ளது - 2
பூவுலகெல்லாமே புவிமாந்தர் அனைவருமே
இறைவனின் கைவண்ணமே - 2

2. இயேசுவின் திருப்பெயர் என்றும் மகிழ்வு தருகின்றது
இறைவனின் இரக்கம் எங்கும் அரணாய் இருக்கின்றது - 2
அவரில் நம்பிக்கை கொள்வோர் யாவரும்
வெற்றி பெறுகின்றனர் - 2

---