அன்பெனும் அருளே நீ வாழ்க
உயிர்ப்பொருளே உறைவிடமே நீ வாழ்க
அன்பெனும் அருட்சுடராய் அமைந்தாயே இறைவா - 2
ஆதியந்தம் இல்லாது ஆட்சி செய்யும் தலைவா

1. இன்பமெல்லாம் ஓர் உருவாய் இயங்கி வரும் இறைவா
ஈயாதார் உள்ளத்திலும் வீற்றிருக்கும் இறைவா - 2
உண்மைக்கே உறைவிடமாய் உத்தமனே இறைவா - 2
ஊன் உயிர் நிலையாக வந்து உணவளிக்கும் இறைவா - 2

2. எல்லார்க்கும் எல்லாமே அளித்து வரும் இறைவா
ஏகபரன் ஏகமகன் என்றுணர்த்தும் இறைவா - 2
ஐயமின்றி வாழ்ந்திடவே வழிவகுத்தாய் இறைவா - 2
குறைவில்லா மனிதம் என்றென்றும் வாழவேண்டும் இறைவா - 2

---