ஆண்டவரே நீரே என்னை மயக்கி விட்டீர்
நானும் மயங்கிப் போனேன் - 2

1. தாயின் கருவினில் உருவாக்கினீர்
தடுக்கி விழும் போது தாங்கி நின்றாய்
தூரச் சென்றாலும் துணையாய் வந்தீர்
துன்பத்தில் வாழ துணிவைத் தந்தாய் - 2
அஞ்சாதே என் மகனே உன்னோடு நான் இருப்பேன்
கலங்காதே என் மகனே கரம் பிடித்து நடத்திடுவேன்
உலகம் முடியும் வரை உன்னோடு நான் இருப்பேன் - 2

2. எளியோர்க்கு நற்செய்தி சொல்லிடுவாய்
விடுதலை வாழ்வுக்கு உழைத்திடுவேன்
உலகிற்கு ஒளியாய் விளங்கிடுவாய்
உண்மைக்குச் சாட்சி சொல்லிடுவேன் - 2 அஞ்சாதே

---