இதயக் கதவைத் திறந்து வைத்தேன்
இனிமை நிறைக்கும் இயேசுவே
உதயம் தேடும் நேரமெல்லாம் உந்தன் உறவை நாடுவேன்
இயேசுவே இயேசுவே இயேசுவே - 2

1. ஏழை மனிதரில் உன் முகம் காணவே
ஏங்கிடும் இதயத்தில் உன்னருள் நிறைக்கவே - 2
உண்மை அன்பு மாண்பு ஓங்கிட உந்தன் உயிரே தியாகமாகுதே - 2
புதிய அன்புவெள்ளம் எங்கும் பொங்கிப் பாயும் நேரமே
புதிய உலகம் மலருமே இறைவன் அரசும் வளருமே

2. நீதி தேடிடும் அன்பின் பணியிலே
சமத்துவ வாழ்வினைச் சத்தியமாக்குவேன் - 2
மனிதநேயம் காக்கும் பொறுப்பிலே
புனித பயணம் தினமும் செல்லுவேன் - 2
நீதி நேர்மை உணர்வு கொண்டு இறைவன் வழியை நாடுவேன்
புதிய உலகம் காணுவேன் இறைவன் அரசில் வாழுவேன் - 2

---