இயேசுவே உயிர் ஆற்றலே புவியை இயக்கும் புனிதன் நீ - 2
நேசமே நிறை பாசமே என்னை நடத்தும் துணைவன் நீ
பெருமை விரட்டி தொடரும்போதும் நிறைவு அமைதி அருள்பவன் நீ

1. இருளில் விழுந்து மடியும்பொழுது அறிவொளி தரும் தந்தை நீ
துயரின் பிடியில் துவளும் நொடியில் ஆறுதல் தரும் தாயும் நீ - 2
தனிமை போக்கும் உறவும் நீ இனிமையாக்கும் இறையும் நீ - 2
மனத்தில் ஒலிக்கும் கவலைக் கடலை அகற்றும் அருளும் நீ

2. வாழ்வை மறுக்கும் தீமையை விரைந்து ஒழிக்கும் வீரம் நீ
எளியோர் வாழ்வு புவியில் புலர உழைத்து மகிழும் தியாகம் நீ - 2
நீதி கேட்கும் வன்மை நீ நன்மை நாடும் தூய்மை நீ - 2
உண்மை எங்கும் மலர உதவும் மக்கள் சக்தியும் நீ

---