உங்களிடையே அப்படி இருக்கக் கூடாது - 2
பணம் பதவி சாதி மதம் அடிமை ஆண்டான் என்ற பேதம்
உங்களிடையே என்றும் இருக்கக் கூடாது - 2

1. பளுவான சுமையைக் கட்டித் தோளினில் வைப்பார்
தம்மைத் தலைவர்கள் என்பார்
தன் விரலாலும் அசைத்துக்கூடப் பார்த்திட மாட்டார் - 2
பண பலத்தால் பாமரரை அடக்கி ஆளுவார் - 2
தம்மை முதலாளி என்பார் - பணம்
பதவிக்காக மனிதரையே விலை பேசிடுவார் - 2

2. சாதி என்ற கொடுமையினால் மனிதரைப் பிரிப்பார்
தம்மை உயர்ந்தவர் என்பார்
ஏழை மனிதர்களை மிருகமாக நடத்திடச் செய்வார் -2
மதத்திற்காக மனிதனையே சூறையாடுவார் - 2
தம்மைக் கடவுள் என்பார் - கொடும்
மதவெறியால் மனிதனையே ஏமாற்றிடுவார் - 2

---