உலகொன்று தந்து நலமென்று கண்ட தெய்வம் வாழ்கவே
உயிர்மூச்சில் நின்று நடமாடுகின்ற தெய்வம் வாழ்கவே - 2
தெய்வம் வாழ்கவே தெய்வம் வாழ்கவே தெய்வம் வாழ்கவே

1. புவியோடு வானம் மழையாகக் கண்ட பந்தம் வாழ்கவே
அதிகாலை ஒளியில் மலர் காணும் புதிய சொந்தம் வாழ்கவே
நிலமென்னும் அன்னை உயிர்வாழத் தந்த கனிகள் வாழ்கவே
உறவாடி வாழ உயிர்நாடியான வார்த்தை வாழ்கவே
எது இங்கு இல்லை உன்னன்பைச் சொல்ல யாவும் வாழ்கவே-2

2. எது வந்த போதும் எனைத் தாங்கும் அன்புத் தாய்மை வாழ்கவே
தடுமாறும் போதும் தன் பிள்ளை என்ற தந்தை வாழ்கவே
சுமைதாங்கி வாழ்வில் சுவைகூடச் செய்த நண்பர் வாழ்கவே
இதயங்கள் இரண்டு ஒன்றாகிக் கண்ட இன்பம் வாழ்கவே - எது

---