உன் அருள் ஒன்றே எனக்கு வேண்டும் வேண்டும் வேண்டும்
உன் நிழலில் தானே வாழ்ந்திட வேண்டும் இயேசுவே இயேசுவே
உன் அருள் ஒன்றே எனக்கு வேண்டும் இயேசுவே இயேசுவே
என்னிலை உன்னில் இழந்திட வேண்டும்
புது உருவுன்னில் அடைந்திட வேண்டும் - 2

1. ஆறுகள் கடலில் கலப்பது போல்
மழைத்துளி மண்ணில் சேர்வது போல் - 2
உணவினில் கரைந்திடும் உப்பினைப் போல்
என்னிலை உன்னில் இழந்திட வேண்டும் - 2
கூட்டினை அடைந்திடும் பறவையைப் போல்
மலரினில் தங்கிடும் தேன்துளிபோல் - 2
குழலினில் புகுந்திடும் காற்றினைப்போல்
உனக்குள்ளே நானும் சேர்ந்திட வேண்டும் - 2 - உன் அருள்

2. மழைமேகம் கண்ட உழவனைப்போல்
தாலாட்டை ரசிக்கும் குழந்தையைப்போல் - 2
செல்வத்தைப் பெற்றிடும் வறியவர்போல்
உனைக் கண்டு நான்தினம் மகிழ்ந்திட வேண்டும் - 2
மலரினைச் சுற்றிடும் வண்டினைப்போல்
தொடர்ந்திடும் கடலின் அலையினைப்போல் - 2
நீரைத் தேடிச் செல்லும் வேரினைப் போல்
ஓயாது நான் உனைத் தொடர்ந்திட வேண்டும் - 2 - உன் அருள்

---