உன்னருகில் நான் இருக்கும் ஒரு நொடிப் பொழுதும்
ஒரு கோடி இன்பங்கள் என் இதயம் பாயும் - 2
ஒளிக்கீற்றாய் உன் பார்வை எனைத் தொடும் நேரம்
அனல்காற்றாய் உன் அன்பு எனைச் சூழ்ந்து கொள்ளும்
இதயமே பேசு ஆதாரம் இயேசு - 2

1. கண்ணுக்குள் கருவிழியாய்ப் பார்க்கும் உன் பாசம்
மண்ணுக்குள் சிறுவிதையாய் எனை மாறச் செய்யும் - 2
எனக்குள்ளே மறைந்திருக்கும் உன் இதய பந்தம்
உன்னோடு நான் கொள்ளும் மாறாத சொந்தம் - இதயமே

2. எனை விட்டு விலகாத உன்னன்புத் தேடல்
உன் அன்பின் சாட்சியாக மாறிடவே தூண்டும் - 2
என் பாதைப் பயணத்தில் சோர்கின்ற நேரம்
அணைக்கின்ற தாயாக எனை என்றும் தேற்றும் - இதயமே

---