ஒருபோதும் உனைப்பிரியா நிலையான
உறவொன்று வேண்டும்
என் உடல்கூட எரிந்தாலும் உன் நாமம் சொல்லவேண்டும்
நினைவிலும் நீயே என் கனவிலும் நீயே - 2
நீங்காத நிழலாக வா இறைவா

1. உன் கையில் என்னை நீ பொறித்தாய்
பெயர் சொல்லி அன்பாய் என்னை அழைத்தாய் - 2
ஏன் என்னை நீ தெரிந்தாய்
என் வாழ்வில் ஏன் நுழைந்தாய் உன்
மாறாத அன்பில் மகிழ்வொன்று கண்டேன்
தாய் உறவொன்று தேடும் பிள்ளைபோல் நின்றேன்
உன்னோடு நான் வாழுவேன் ஆ ஆ

2. நீர் தேடும் மான்போலத் தேடிவந்தேன்
நீயின்றி வாழ்வில்லை என்றுணர்ந்தேன் - 2
என்னுள்ளே வாழும் தெய்வம் என்னை நீ ஆளும் தெய்வம்
என் இயேசு நீயே என்னுள்ளம் நின்றாய் - நிதம்
என் பாதை முன்னே நீதானே சென்றாய்
உன்னோடு நான் வாழுவேன்

---