தந்தையும் தாயும் நீதானே இறைவா
நீயில்லா என் வாழ்வில் நிறைவேது தலைவா
ஆயனும் நீயே ஆதாரம் நீயே
நிலையில்லா என் வாழ்வின் நிரந்தரம் நீயே - 2

1. என் நேரமும் என் பாதையில் தடமாகினாய்
எப்போதுமே என் நெஞ்சிலே திடமாகினாய்
எனது மீட்பின் கிண்ணம் நீரே எனது உரிமைச் செல்வம் நீரே
இருள் சூழ்ந்த போதும் பயமேதுமில்லை
என் இயேசு எனைத் தாங்கி ஈடேற்றுவாய் - 2

2. முள் மீதிலே பூவாகவே எழிலாகிறாய்
புல் மேல் உள்ள பனியாகவே இதமாகினாய்
வளமை சேர்க்கும் அருளின் ஊற்றே
வாழ்வை வளர்க்கும் சுவாசக் காற்றே
தொடர்கின்றத் துன்பம் பறந்தோடிப் போகும்
புதுவாழ்வுப் புதுவிடியல் கைக்கூடுமே

---