தினந்தோறும் தினந்தோறும் உனை நானும் தேடி
வருவேன் உன் சந்நிதி - என்றும் நீதான் வாழ்வின் கதி
இப்போதும் எப்போதும் கவிநூறு பாடி
தொழுவேன் உன் சந்நிதி - என்றும் நீதான் வாழ்வின் கதி
ஒரு பார்வை போதும் ஒரு வார்த்தை போதும்
ஒரு தேடல் அதுபோதுமே - என்றும் என் வாழ்வே உனதாகுமே

1. வழி எங்கே எனத்தேடி விழி ஏங்கும் போது நான் -
தேடும் வழியாகும் உன் சந்நிதி
வரம் கோடி உனைநாடி மனம் தேடும் போது -
நான் காணும் கதியாகும் உன் சந்நிதி
நதிகூடும் கடலாக விழி மூடும் இமையாக
கவிபாடும் குயிலாக கனி ஊட்டும் சுவையாக
வந்த எந்தன் சொந்தமே வாழும் உந்தன் பந்தமே - ஒரு பார்வை

2. சோகங்கள் சுமையாகி நான் வாடும் போது -
சுமைதாங்கும் கரமாகும் உன் சந்நிதி
சொந்தங்கள் இனி எங்கே என ஏங்கும் போது -
உறவாக எனைச் சேரும் உன் சந்நிதி
பயிர் மூடும் பனியாக உயிர் கூடும் உறவாக
மழைதேடும் நிலமாக மனம் தேடும் மொழியாக
வந்த எந்தன் சொந்தமே வாழும் உந்தன் பந்தமே - ஒரு பார்வை

---