தேடாத இடமில்லை இறைவா - உன்னைத்
தேடாத நாளில்லை இறைவா
காணாமல் அலைகின்றேன் இறைவா - உன்னைக்
காண்கின்ற இடமேது இறைவா

1. ஆலயத்தில் ஆண்டவனே உனைத் தேடினேன்
அமைதி தரும் சந்நிதியில் உறவாடினேன் - 2
அயலானில் உன்னைக் காண நீ கூறினாய் - 2 - அவன்
அன்பொழுகும் உறவினிலே உனைக் காண்கிறேன் - 2

2. வாடுகின்ற மனிதனுக்கு வாழ்க்கை அளித்தேன்
வருந்துகின்ற நண்பனுக்கு ஆறுதல்தந்தேன் - 2
தேடுகின்ற அமைதிதனை வாழ்வினில் தந்தாய் - 2 என்
தேவா உன் சந்நிதியில் நான் வாழ்கிறேன் - 2

---