நிலையில்லா உலகு நிசமில்லா உறவு
நிலையானதொன்றும் இங்கில்லை
நேற்றும் இன்றும் என்றும் மாறாத தெய்வம்
நீ மட்டும் போதும் எப்போதும்
நீ மட்டும் போதும் நீ மட்டும் போதும்
நீ மட்டும் போதும் எப்போதும் - 2

1. ஆசையிலே பிறந்து ஆணவத்தில் தொடர்ந்து
ஆடி இங்கு அடங்குது வாழ்க்கை
வாழ்வு தரும் வார்த்தை வாழ்க்கை தனை வளர்த்தால்
வசந்தம் வந்து நம்மில் என்றும் தங்கும் - 2
நீ மட்டும் போதும் என் வாழ்வு மாறும் - 2
நீ மட்டும் போதும் எப்போதும்

2. பொய்ம்மையிலே விழுந்து போலியாக நடந்து
பொழுதிங்குப் போகுது கழிந்து
உண்மை தனை உணர்ந்து உறுதியுடன் எழுந்தால்
ஊதியங்கள் தேவையில்லை நமக்கு - 2 நீ மட்டும் போதும்

---