நீ தானே என் கீதம் இறைவா - உன்
நினைவே என் சங்கீதம் தலைவா - 2
நிறைவாழ்வு நான் காண வரம் வேண்டுமே - இனி
நிதம் எந்தன் வாழ்வு உம் பணிக்காகவே

1. ஒரு கோடி மலருண்டு உன் தாளிலே - அது
ஒரு பூவாய் இணைந்தாலே மணம் வீசுமே - 2
எழிலான சுரம் கோடி உன் யாழிலே - 2 - அதில்
நரம்பாக இணைந்தாலே மனம் பாடுமே

2. அழகான கனவொன்று என் நெஞ்சிலே - அது
அன்பாலே நிறைகின்ற உலகாகுமே - 2
இதற்காகத் தானே நீ மனுவாகினாய் - 2 - இன்று
என் வாழ்வை அதற்காகப் பலியாக்கினேன்

---