நீயே எமது வழி நீயே எனது ஒளி
நீயே எமது வாழ்வு இயேசையா - 2

1. நான்கு திசையும் பாதைகள் சந்திக்கின்ற வேளைகள்
நன்மையென்ன தீமையென்ன அறியாத கோலங்கள் - 2
நீயே எங்கள் வழியாவாய் நீதியின் பாதையின் பொருளாவாய் - 2
உனது பாதப்பதிவுகள் எமது வாழ்வின் தெரிவுகள்
அவற்றில் நாம் நடந்தால் வெற்றியின் கனிகள்

2. துன்ப துயர நிகழ்வுகள் இருளின் ஆட்சிக் காலங்கள்
தட்டுத் தடுமாறி விழத் தகுமானச் சூழல்கள் - 2
நீயே எங்கள் ஒளியாவாய் நீதியின் பாதையில் சுடராவாய் - 2
உண்மை நாங்கள் போற்றிட பொய்ம்மை எங்கும் போக்கிட
உண்மையின் இறைவா உமதருள் தாரும்

---