மங்கள நாளின் தலைவனே எம்
மனக்கோயிலின் இறைவனே - 2
அன்பு நிறைந்த தந்தையே என்றும்
ஆராதிப்போம் துதிப்போம் - 2
அல்லேலூயா அல்லேலூயா அல்லேலூயா அல்லேலூயா - 2

1. நீ தந்த நாளெல்லாம் திருநாளே பேரானந்தத் திருநாளே
நீ செய்த செயலெல்லாம் வெளிப்பாடே
உம் நேசத்தின் வெளிப்பாடே - 2
உண்மையிலும் ஆவியிலும் உம்மைத் தொழுதேத்தும்
இந்த நாள் நல்ல நாளே
உண்மையிலும் ஆவியிலும் உம்மைத் தொழுதேத்தும்
இந்த நாள் திருநாளே

2. உம் கோயில் பறவைகள் சரணாலயம்
என்றும் வாழ்கின்ற சரணாலயம்
உம் பார்வை பட்டாலே வளமாகும் எம் பயிர்கள் வளமாகும் - 2
பறவையிலும் பயிர்களிலும்
பெரிதாகும் உமதன்பு எமக்கின்பம் - 2 - அல்லேலூயா

---