இதய காணிக்கை இறவாத காணிக்கை
இறை மனித உறவின் சின்னமாம் அன்பின் காணிக்கை - 2
இறையே இதை ஏற்றிடுவாய் உனதாய் எனை மாற்றிடுவாய்-2

1. மேகங்கள் கூடிடவே வான்மழை அருவியாகுமே
உன் அருளுக்குச் சான்றாகுமே - 2
இறைவா உனைப் போல் வார்த்தையை வாழ்வாக்கி
வழிகாட்டிச் சென்றிட வரம் ஒன்று தா - 2

2. எண்ணங்கள் உயர்ந்திடவே உள்ளங்கள் கோவிலாகுமே
நல்வாழ்வு அதன் பரிசாகுமே - 2
கருணா உனைப் போல் மாறாத அன்பினால்
அயலாரை நேசிக்கும் நல் உள்ளம் தா - 2

---