இதயம் நிறைந்த காணிக்கை நான் என்ன தருவதோ
இதய வேந்தன் உமக்கு ஈடாய் என்ன தருவதோ
பலிப்பொருளாய் நான் வந்தேன் பரம்பொருளே ஏற்பாய்
பாவத்தோடு நான் வந்தேன் பரிவு காட்டுவாய்

1. மணமில்லா மலரெனவே உன்பாதம் சூடினேன்
மணமுள்ள மலராக என்னை நீ மாற்றினாய்
மன்னவனின் மனங்குளிர ஏற்றது என்னவோ
மாசற்ற உள்ளமே உமக்கு என்றும் ஏற்றது

2. பயனில்லா காணிக்கைப் பொருளாக நான் வந்தேன்
பயனுள்ள காணிக்கைப் பொருளாக மாற்றினாய்
கடல் வற்றிப் போனாலும் உன் அன்பு குறையுமோ
கார் மேகம் சூழ்ந்தாலும் உன் கண்கள் மூடுமோ

---