இரக்கம் மிகுந்த கரத்திலே
என்னை முழுதும் அர்ப்பணமே - 2
வாழ்வது என்னில் நீயாக வாழ்க்கை எல்லாம் உமக்காக
எல்லாம் தந்தேன் என்னைத் தந்தேன் - 2

1. குயவன் கையில் களிமண்ணாய்க்
கொடுத்தேன் என்னை உன்னிடத்தில்
எடுத்து உமது விருப்பம் போல் வடிவம் கொடுத்து வனையுமே - 2
உனக்காய் வாழும் ஒரு கணம் அதுவே வாழ்வின் பேரின்பம்
நீயில்லாத வேறிடம் அனைத்தும் இருந்தும் ஏதின்பம்
என்னிறைவா அர்ப்பணமே
என்னை முழுதும் ஆட்கொள்ளுமே

2. உமது அன்பு தீபமாய் எரிய என்னை எரித்திடும்
உமது உண்மை நாதமாய் ஒலிக்கக் குரலை வளர்த்திடும் - 2
எனது சிறிய விளக்கிலே எரியும் தீபம் நீயன்றோ
எனது சொல்லும் செயல்களும் உமது தீப ஒளியன்றோ
என்னிறைவா எரித்திடும் உமது ஒளியைப் பரப்பிடும்

---