உடல் பொருள் ஆவி எல்லாம் உன் பாதம் நான் படைத்தேன் - 2

1. நான் பார்க்கும் உலகெல்லாம் உன் சொல்லின் விரிவுரையே
அதில் வாழும் உயிர்களெல்லாம் உன் அன்பின் தொடர்கதையே
அதைத் தந்தேன் பலிப்பொருளாய் ஏற்பாய்
எனைத் தந்தேன் ஒரு பொருளாய்ச் சேர்ப்பாய்
திரு அப்பம் போல அதைப் பகிர்ந்து
அனைவர்க்கும் வாழ்வருள்வாய் - 2

2. நிறைவாழ்வு உனதாகும் நான் கண்டேன் பலிவாழ்வில்
பொருள் வடிவில் பலி தந்தேன் உன் வாழ்வைத் தர வருவாய்
புது உரு என என்னை மாற்றிடுவாய்
புது உலகிது என நான் வாழ்வேன்
திருமகன் சாயலில் வளரவிடும் நிறையருள் நான் பெறுவேன்

---