உறவுப் பூக்கள் என்னில் மலர
உகந்த பலியாய் என்னையே ஏற்பாய் - 2
இயேசுவின் பலியே என் வாழ்வின் வழியே - 2
என்னையே தருவேன் காணிக்கையாக
அர்ப்பணித்தேன் என்னை அர்ப்பணித்தேன்
அன்பின் பலியாய் அர்ப்பணித்தேன்

1. அப்பமும் இரசமும் கொண்டு வந்தேன் - இது
அன்பின் பலியெனக் கண்டு கொண்டேன்
தந்து வாழும் தியாக பலியாய் எந்தன் வாழ்வு உம்மில் மலர
என்னையே தருவேன் காணிக்கையாக - 2
அர்ப்பணித்தேன் என்னை அர்ப்பணித்தேன்

2. உடலும் உயிரும் உமது பரிசு
உம் பலியில் இணைந்தால் புதிய படைப்பு
துயரம் துடைக்கும் தூய பணியில்
பலியின் பலனாய் என் வாழ்வு மலர
என்னையே தருவேன் காணிக்கையாக - 2
அர்ப்பணித்தேன் என்னை அர்ப்பணித்தேன்

---