தருவதெல்லாம் உனதன்றோ இறைவா
தரணியெல்லாம் உம்முடையதே தலைவா
ஏழை எந்தன் வாழ்வினையே ஏற்று புனிதமாக்குவாய்
ஏற்றிடுவாய்ப் புதிதாய் மாற்றிடுவாய்

1. நிறைந்த வாழ்வினைக் கொடுத்தாய் இறைவா
மறந்து உந்தன் அன்பிலிருந்து பிரிந்து சென்றேனே
அன்பனே நண்பனே என்னையே தந்தேனே - 2
அருள்வளத்தால் கொடுத்த கொடைக்கு
நன்றியாக எனைத் தந்தேன்
ஏற்றிடுவாய்ப் புதிதாய் மாற்றிடுவாய் - 2

2. இளைஞர் உலகை நீ படைத்தாய் இறைவா - உந்தன்
இதய உணர்வுகளை அவர்களுக்களித்தாய்
புனிதனே இறைவனே பணிந்தேனே உன் பாதமே
திருவுளத்தை வியந்து புகழ்ந்து
உந்தன் பணியில் எனைத் தந்தேன்
ஏற்றிடுவாய்ப் புதிதாய் மாற்றிடுவாய்

---