பலியாக எனை உனக்கு தருவேன் இன்று - இந்தப்
படைப்பெல்லாம் நீதானே படைத்தாய் என்று
எனையே நான் உமக்களித்தேன் இறைவா இன்று - 2
உருமாற்றி உனதாக்குத் தலைவா நன்று
தந்தேன் தந்தேன் தந்தேன் எனையே இறைவா
தருவாய் தருவாய் தருவாய் உம் அருளே இறைவா - 2

1. கோதுமை மணியும் திராட்சை கனியும்
புதிதாக மாற்றம் பெறுவது போல் - 2
நொறுங்குண்ட உள்ளத்தை நான் தருகின்றேன் - 2
நலமாக்கிப் புதிதாக்கத் தாள்பணிகின்றேன் - தந்தேன்

2. கொடுப்பதில் இன்பம் பெறுவதில் இல்லை
குறையின்றிக் கொடுத்து நான் வாழ்ந்திடவே - 2
மனமுவந்து எனையே நான் உமக்களிக்கின்றேன் - 2
தினம் தினம் நான் உள்ளதையே பகிர்ந்தளிக்கின்றேன்

---