மலர்களில் எந்தன் மனத்தினைத் தருகின்றேன்
பழங்களில் எந்தன் பண்பினைத் தருகின்றேன்
அப்பத்தின் வடிவில் அன்பினைச் சேர்த்து
திராட்சை இரசத்தில் தியாகத்தைக் கலந்து
என்னையே தருகின்றேன் இறைவா காணிக்கை ஏற்றிடுவாய்

1. உழைப்பினால் வாழும் உள்ளங்களில் என்னையே தருகின்றேன்
உடைந்துபோன எளியவர் வாழ்வில் ஏற்றத்தைக் கேட்கின்றேன் - 2
நானிலம் மகிழ நலமுடன் வாழ
வாழ்வையே படைக்கின்றேன் காணிக்கை ஏற்றிடுவாய்

2. எளியோர் வாழ்ந்திட உரிமைகள் அடைந்திட
உவந்து அளிக்கின்றேன்
ஏனையோர் வாழ்வில் வளமை கண்டிட இனிதே வேண்டுகிறேன் - 2
நண்பனுக்காக உயிரைக் கொடுக்கும்
நல்மனம் இறைஞ்சுகின்றேன் காணிக்கை ஏற்றிடுவாய்

---