அரும் நண்பன் என் நண்பன் உளம் ஒன்றி சமபந்தி
விருந்தொன்று வைத்தானம்மா வறியோரை எளியோரை
வாழ்வெல்லாம் நலிந்தோரை - 2
வருவீரென் றழைத்தானம்மா - 2

1. ஓர் நண்பன் நலம் வாழ உயிர் நல்கும் பிறரன்பே - 2
பேரன்பு என்றானம்மா பெரும் பாவி எனை மீட்க
திரு ஆவி தந்தானே
உயர் நண்பன் அவன் தானம்மா - என்
உயிர் நண்பன் அவன் தானம்மா

2. அரசாள வரவில்லை அதிகாரம் பெறவில்லை
வறியோர் போல் வாழ்ந்தானம்மா
பகையாளர் பாதத்தைப் பரிவோடு கரம் தாங்கும்
பண்பாளன் ஆனானம்மா - ஓர்
பணியாளன் ஆனானம்மா

---