அன்பே இயேசுவே என்னுள்ளம் வாருமே - 2
அன்பே இயேசு தெய்வமே என் உள்ளம் வாருமே - 2
அருள்பார்வை ஒன்றே போதுமே எந்தன் வாழ்வு வளம் பெறுமே

1. மண்மீது பகை வளர்க்க வேர்கள்தான் விரும்புமோ
மனிதரை வெறுத்துவிட்டு உன் வழி நடப்பதோ - 2
உன்னிலே நானும் வாழ்ந்திட வேண்டும்
உறவின் இராகங்கள் இசைத்திட வேண்டும் - 2
என்றும் மண்ணில் உந்தன் அன்பில் நிலைத்திட வேண்டும்
எந்தன் உள்ளம் நீயே வந்து உறைந்திட வேண்டும்

2. வாதங்கள் பேதங்களால் வளர்ந்திடும் சுயநலம்
வன்முறை பேரிடரால் வாடிடும் மானிடம் - 2
அனைத்துயிர் காக்கும் அருள்மழையே வா
அகத்தினில் அமைதியும் ஆற்றலும் நீ தா - 2
இருளினைப் போக்கும் ஒளியென வாழ்வேன்
இறைவனின் திருவுளம் நடந்திட உழைப்பேன்

---