இதயம் திறந்தவரே எங்கள் இயேசுவே இறைமகனே
இரக்கம் பொழிந்தவரே எங்கள் இகமெல்லாம் நிறைந்தவரே
உந்தன் கருணையின் கடலினிலே எங்கள் உலகம் உயிர் பெறவே
உன் அன்பென்னும் நெருப்பிலே எல்லாத் தீமையும் கரைந்திடுதே
பரிசுத்த உறவாய் மலருதே - எனில்
வாருமே இயேசு தெய்வமே உயிராகவே உறவாகவே - 2

1. உனக்கெனவே என் தாயின் கருவினில்
தெரிந்து கொண்டீர் என்னை அறிந்தீர்
பயணங்களால் எனை அழைத்தீர்
உறவினை உதறி ஊதாரி ஆனேன்
காத்திருந்தெனக்கு மறுவாழ்வு அளித்தீர்
ஒளிந்திட்ட ஆடுநான் உன் தோளில் மகிழ்வேன் - 2 வாருமே

2. வெறுமையான ஓர் பாத்திரம் நான் இன்று
நிரம்பிடவே அருள் ஈந்தீர்
கள்வனுக்கும் உயர் பரகதி பேற்றினைப்
பரிசளித்தீர் வழி வகுத்தீர்
கற்களை எறியும் கல்நெஞ்சக் கூட்டத்தில்
காயங்கள் இன்றிப் பாவியை மீட்டீர்
அழிக்கின்ற உலகிலே அருகில் நீர் வேண்டும் - 2 வாருமே

---