இதை என் நினைவாய்ச் செய்ய மாட்டாயா
என் உடலை உண்டு உயர மாட்டாயா
குருதி அருந்தி திருந்த மாட்டாயா - என் - 2
என்னைப் போல வாழ மாட்டாயா

1. கன்னத்தில் அறைந்தால் கன்னத்தைக் காட்டச் சொன்னேன்
தீமை செய்தால் நன்மை செய்யச் சொன்னேன் - 2
இதற்கு மேல் நான் என்ன கேட்கின்றேன் - 2
வெறும் வார்த்தையல்ல
வாழ்ந்தும் காட்டிவிட்டேன்

2. பணிவிடை பெற அன்று பணியைச் செய்யச் சொன்னேன்
தாழ்ச்சி கொண்டால் உயர்வு உறுதியென்றேன் - 2
இதற்கு மேல் நான் என்ன கேட்கின்றேன் - 2
உனை வாழச்செய்ய வாழ்ந்தும் காட்டிவிட்டேன் - 2

---