இருளகற்றும் ஒளிச்சுடராய் வருவாய் என் இகமதிலே
மருளகற்றும் அருமருந்தே தருவாய் என் அகமதிலே

1. உடல் நலிந்து நலம் குறைந்து திடம் இழந்து தவிப்பவர்க்கும்
தடம் புரண்டு திசை விலகிப் பழமையிலே உழல்பவர்க்கும்
வளமுடன் நலமும் உளமதில் திடமும் - 2
மனமுவந்தே தினம் வரமருள்வாய்

2. பிரிவினைகள் நிதம் வளர்த்த பிரிவடையும் மனங்களிலே
பரிவிரக்கம் பிறர் நலன்கள் சரிந்து வரும் இந்த தரணியிலே
சமத்துவ உணர்வை வளர்க்கும் இவ்விருந்தை - 2
நிதம் எமக்கருளும் பரம்பொருளே

---