இறையே என் இசையே என் உயிர் தேடும் சுவாசமே
உனக்காக உருகும் என் உளம் தேடிவா
உன்னோடு உடன் வாழ உனதன்பில் உறவாட
ஏங்கும் என் இதயத்தின் இசைகேட்கவா
எந்தன் நெஞ்சிலே வாரும் இயேசுவே
எந்தன் வாழ்வையே மாற்றுமே
எந்தன் நெஞ்சிலே வாருமே எந்தன் வாழ்வையே மாற்றுமே

1. கண்மூடி நிற்கின்றேன் என் முன்னே வருவாயா
கண்ணாளா கரம் கோர்த்து எனை அணைப்பாயா
அன்பாக எனில் வந்தாய் இதயத்தில் இடம் கேட்டாய்
உனக்காக எனைத் தருவேன் என் நாயகா
நலிந்தேன் உன் நினைவாலே மகிழ்வேன் உன் வரவாலே
உன் அன்பு நிதம் வேண்டி உருக்குலைகின்றேன்
என் உயிரே என் உயிரே நீ ஒளியேற்றவா - எந்தன் நெஞ்சிலே

2. தென்றலிலே உன் வாசம் தேடிடும் என் சுவாசம்
மணம் வீசும் மலர்ப்பாதம் அது தேடுதே
தேடியே நாடி வந்து தேவா உன் பதம் அமர்ந்து
தினம் உந்தன் புகழ் பாட அது ஏங்குதே
தொலைந்தேனே உனைத்தேடி வருவாயோ எனைத்தேடி
என் ஆன்மத் தாகத்தை நீ தீர்க்கவா
என் உயிரே என் உயிரே நீ ஒளியேற்றவா - எந்தன் நெஞ்சிலே

---