இறைவனின் உடலிது அவரது இரத்தமிது
அவர் நினைவாய் நாம் செய்யும் மீட்பின் சின்னமிது
நம் வாழ்வின் உணவிது - 2

1. அப்பத்தை உண்டு கிண்ணத்தைப் பருகும்
வேளைகள் எல்லாம் விசுவாசமே
ஆண்டவர் வருகின்ற நாள் வரை நாமும்
மரணத்தின் அறிக்கை செய்வோமே
ஆதலினால் தகுதியுடன் - 2 அப்பத்தை உண்டிடுவோம்-நாம்
கிண்ணத்தைப் பருகிடுவோம்

2. பிளவுகள் அகற்றி பிரிவினை மறந்து
விருந்தினில் ஒன்றாய்க் கூடிடுவோம்
உறவினை வளர்க்க உள்ளத்தைப் பகிர்ந்து
விருந்தினை உலகினில் படைத்திடுவோம்
தினந்தோறும் திருவிருந்தில் - 2 இறைவனில் கலந்திடுவோம்
இறை நிழலாய் வாழ்ந்திடுவோம்

---