உணவே உணவே உயிருள்ள உணவே
உறவே உறவே அழியா உறவே
விருந்தே விருந்தே அன்பின் விருந்தே
மருந்தே மருந்தே வாழ்வின் மருந்தே
விண்ணக வாழ்வின் முன்சுவையாய்
இயேசுவே வாரும் மண்ணக வாழ்வு மாண்புறவே
வரங்கள் தாரும் உணவே உறவே

1. திரு உடலை உண்டு திரு இரத்தம் பருக
நிலைவாழ்வு எனதாகுமே
என் கடமை முடிக்க உன் பணியில் சிறக்க
உமதாற்றல் துணையாகுமே
பசிதாகம் இல்லாமல் செய்கின்ற உணவே
விசுவசித்து ஏற்போர்க்குத் தெவிட்டாத அமுதே
பணிந்தும்மை வணங்குகிறோம்
கனிவோடு வருவாயே உணவே மருந்தே

2. விண்ணில் இருந்து இறங்கி வந்த உணவே
உன்னை உண்டு என்றும் வாழ்வேன்
உலகம் வாழ அதுவும் நிறைவாய் வாழ
தனையளிக்கும் அன்பை உணர்ந்தேன்
முன்னோர்கள் உண்டிட்ட உணவென்று இதுவே
எந்நாளும் வாழ்விக்கும் இறையன்பின் உருவே
புலனுக்குப் புலப்படா பூரணமே ஆரணமே

---