உயிரான உணவு வடிவில் இயேசு வருகிறார் - நம்
உடன் வாழும் ஆவலோடு தேடி வருகிறார்
உண்ணும் உணவு நம்மில் இணைந்து ஒன்றாவதுபோல்
உள்ளம் ஏற்கும் நம் வாழ்வு இயேசுவாகவே

1. நீதி தேடும் நெஞ்சம் வாழ இயேசு துடிக்கிறார்
அநீதி புரியும் நெஞ்சம் செல்ல இயேசு மறுக்கிறார் - 2
ஒருவர் ஒருவர் புரிந்து வாழும் கூட்டுவாழ்விலே - 2
ஒன்றி நின்று உறவை வளர்த்து மகிழ்வு காண்கிறார்

2. உழைத்துக் காய்ந்த கரத்தில் தவழ இயேசு சிரிக்கிறார்
உழைக்காதுண்போர் அருகில் வரவே இயேசு அழுகிறார் - 2
இறைமைக் கனவே இகத்தில் மலர்த்தும் மாந்தர் மனத்திலே-2
இறவா உணவாய்த் தன்னை இணைத்து உறுதி கொடுக்கிறார்

---