உலகாளும் தலைவன் உயிருள்ள இறைவன்
உதிக்கின்ற நேரமிது உள்ளங்கள் எல்லாம்
உண்மையில் வாழ உணவாகும் தருணமிது
கரம் கூப்பி சிரம் தாழ்த்திப் பணிவோம் - அவர்
பணி செய்யும் சீடராய் உயர்வோம் - 2

1. செல்கின்ற இடமெல்லாம் நன்மைகள் செய்தவர்
நமையெல்லாம் அழைக்கும் நேரமிது
தேவையில் இருப்பவர் அனைவரைத் தேடி
பணி செய்ய அழைக்கும் நேரமிது
ஆனந்த நேரமிது - 2 அருள்மழை பொழிகிறது - கரம் கூப்பி

2. அயலாரைத் தேடி நேசித்த இறைவன்
பாதையில் சென்றிடும் நேரமிது
நண்பருக்காக உயிர்தர அழைத்தவர்
தியாகத்தை உணரும் நேரமிது - ஆனந்த நேரமிது

---