உள்ளம் என்னும் கோவிலிலே வாராயோ இறைவா
இன்பம் எங்கள் வாழ்வினிலே தாராயோ தலைவா - 2
நீயே என் தேடல் நீயே என் பாடல்
நீயே என் இராகம் தாளம் சங்கீதமாம் - 2
மழையாக நதியாக இசையாக வா
உணவாக உறவாக உயிராக வா

1. என் வாழ்வு உனைத் தேடும் பயணம் அன்றோ
உன் அன்பு எனை மேவும் தருணம் இன்றோ - 2
தாயன்பில் தலை சாய்க்கும் சேயாகினேன்
நானுந்தன் பேரன்பில் குயிலாகினேன் - 2
ஆனந்தம் ஆனந்தம் என்
விழியிலும் மொழியிலும் ஆனந்தம்
பேரின்பம் பேரின்பம் என்
கனவிலும் நனவிலும் பேரின்பம்

2. உம் வாக்கு என் வாழ்வு விளக்கல்லவா
என் போக்குத் தனை மாற்றும் மொழியல்லவா - 2
உள்ளார்ந்த நலம் வேண்டி மன்றாடினேன்
உம் மார்பில் கார்மேக மயிலாகினேன் - 2 ஆனந்தம்

---