எங்களோடு தங்கும் இயேசுவே - 2
மாலை நேரம் ஆகுதே பொழுதும் சாய்ந்து போகுதே
இருளும் சூழ்ந்து கொண்டதே இதயம் சோர்ந்து போனதே
எங்களோடு தங்கும் - 2 எங்களோடு தங்கும் இயேசுவே

1. உள்ளம் சோர்ந்து போகிறோம் உடன் நடக்க வா
நம்பிடாத மந்த உள்ளம் கடிந்து கொள்ள வா
மோசே துவங்கி நடந்த யாவும் எடுத்துரைக்கவா
குழப்பம் தீர்த்து தெளிவு கொள்ள அறிவுறுத்தவா
கவலை நீக்கி கலக்கம் போக்கவா
ஐயம் போக்கி ஆற்றலூட்டவா - 2
பணிந்து உம்மை வேண்டினோம் எம் இல்லம் தங்க வா

2. நீர் எம்மோடு பேசும்போது உள்ளம் உருகுதே
உம் வார்த்தை கேட்க எங்கள் இதயம் பற்றியெரியுதே
இல்லம் நுழைய பந்தி அமர்ந்த உணர்வு பொங்குதே
நீ அப்பம் பிட்டு புகழ்ச்சி கூற கண்கள் திறந்ததே
எங்கள் இல்லம் வந்து தங்குமே
இன்னல் நீங்கி இன்பம் பொங்குமே - 2 பணிந்து உம்மை

---