எந்தன் நெஞ்சில் வாழும் என் இயேசுவே
சொந்தம் நீயே என்றும் என் நாதனே
வாடிடும் நெஞ்சம் தேடாதோ - உன்
வாசல் தேடிப் போகாதோ - என்
வாழ்வென்னும் சோலையில் வலம் வரும் நதியே
என்னுயிரே நீ வா - உன்
பொன்னொளி கதிரினில் என் விழி சங்கமம்
நின்னருளே நீ வா

1. உயிர் மூச்சு நீயே உனை நாளும் மறவேன்
உன்னோடு உறவாட தினம் தேடினேன்
என் சொந்தம் யாவும் நிறம் மாறிப் போகும்
நீங்காத நிழலாக நீ வந்தால் போதும்
தாயாய் என்னில் நீ வேண்டும் - உன்
சேயாய் என்றும் நான் வாழ - 2
உள்ளக் கோவிலில் உந்தன் தரிசனம்
தா அன்பே நீ வா அன்பே - 2

2. நினைவெல்லாம் நீயே என் வாழ்வின் என்றும்
ஆதாரம் நீயாக நான் வாழ்கிறேன்
என் துன்பம் யாவும் கரைந்தோடிப் போகும்
எனைத் தேற்றும் அன்பே நீ என்னில் வந்ததால்
ஊற்றாய் உள்ளம் நீ வேண்டும் - உன்
அன்பால் என்றும் சுகம் காண
உள்ளக் கோவிலில் உந்தன் தரிசனம்
தா அன்பே நீ வா அன்பே - 2

---