என் அன்பு இறைவா என் தங்கத் தலைவா
என்னுள்ளம் எழுந்திடுவாய்
என்னில் உன் அன்பைப் பொழிந்திடுவாய்
எந்தன் முதல்வா தலைவா என்னில் வருவாய்
எந்தன் உறவாய் உன்னைத் தருவாய்

1. நிமிடமும் ஒரு யுகமாகும் நீயின்றி வாழ்ந்திருந்தால்
யுகமும் ஒரு நொடியாகும் எந்தன் உள்ளம் நீயிருந்தால்
தன னனனனா - 2 தன னனனன னனனன னா
காலம் யாவும் கடந்த தேவா
கண்ணின் இமையாய்க் காத்திடுவாய்
காற்றும் கடலும் படைத்த தேவா
கரங்கள் பிடித்து நடத்திடுவாய் - எந்தன்

2. வறண்ட ஒரு நதியாவேன் வாழ்வில்
உன்னைப் பிரிந்துவிட்டால்
வழிந்தோடும் நல் அணையாவேன்
வள்ளல் உம்மில் இணைந்துவிட்டால்
தன னனனனா - 2 தன னனனன னனனன னா
வாழ்வில் வெளிச்சம் வழங்கும் தேவா
வளமாய் வாழ வழியாய் வா
விடியல் அனைத்தும் விண்மீன் ஆக
வறுமை நீக்கிட உள்ளத்தில் வா - எந்தன்

---