என் உயிரில் கலந்து என்னில் உறவாட வா
என் உள்ளம் நினைந்து என்னில் வாழ வா
என் மன்னவா நீ என்னில் வா குறைகள் நீக்க வா

1. உன் உடலைத் தந்து நானே உணவென்றாய்
உன் குருதி சிந்தி நானே பானம் என்றாய்
வறண்ட நிலமாய் நான் வாழ்கிறேன்
உயிரின் ஊற்றாய் நீ நின்றாய்
வாழ்வின் ஊற்றாய் நீ வந்தாய் - என் - 2

2. உன் சிலுவைச் சாவே உலகின் மீட்பென்றாய்
உன் உயிரைத் தந்து நானே உறவென்றாய்
தனிமை எந்தன் உறவானது
தாயைப் போல நீ வந்தாய்
தந்தை போலத் தேற்ற வந்தாய் - என் - 2

---