என் தேவன் என்னில் வந்தார்
என் வாழ்வில் துணையாய் நின்றார்
அன்பின் பாதையில் அவர் நாளுமே
எனை ஆட்கொள்வார் இனிதாகவே என் சீவிய காலம் மட்டும்

1. இத்தனை காலம் என்னிறை தேவன்
எத்துணை நன்மைகள் என்னிடம் கண்டார்
நித்தமும் என்னிலே நெஞ்சமும் பாடாதோ
கர்த்தரின் நாமம் நித்தமும் வாழும்
இத்தரை மீது சத்தியமாக
நித்திய வாழ்வினை நெஞ்சம் தேடாதோ
இனி நாளுமே இறை பாதையில் - 2 இனிதான பயணங்களே

2. என்னிறை தேவன் தன் நினைவாகத்
தன்னையே தந்து என்னையே மீட்டார்
உன்னதமாகவே என்னகமே வந்தார்
கண்ணியமாகவே என்னையே நாளும்
மண்ணகம் மீதே காத்திடும் போதே
விண்ணகம் வாழ்வது எண்ணியே மகிழ்கின்றேன் - இனி

---