என் சீவன் தேடும் தெய்வம் என் நெஞ்சில் வரும் நேரம்
என் உள்ளம் எங்கும் பூப்பூக்குதே
புது சந்தோசங்கள் எனில் தோன்றுதே - 2
வாரும் தேவா வாரும் புதுவாழ்வு என்னில் தாரும்
உன் ஆசீர் பொங்க நான் வாழுவேன் - 2

1. எனைத் தேற்றும் உன் வார்த்தை உயிரானது - நான்
உனக்காக உயிர் வாழ உரமாகுது - 2
எனையாளும் நினைவெல்லாம் நீயல்லவா - 2 - நிதம்
துணையாகும் என் வாழ்வின் வரமல்லவா - 2

2. எனைத் தாங்கும் உன் அன்பு மாறாதது - அது
என் வாழ்வின் செல்வத்துள் மேலானது - 2
என் சொந்தம் இனி என்றும் நீயல்லவா - 2 - நிதம்
என் வாழ்வின் பொருள் தேடும் உறவல்லவா - 2

---